WANAFUNZI KUWA MABALOZI WA KUJISAJILI VYETI VYA KUZALIWA

Posted on: August 30th, 2024

Na Mwandishi Wetu, Kasulu

Katibu Tawala wa Wilaya ya Kasulu, Theresia Mtewele amewataka wanafunzi wa  shule za sekondari zilizopo katika Halmashauri ya Wilaya ya Kasulu  mkoani Kigoma kuwa mabalozi wazuri kwenye kuhamasisha wazazi wao ili waweze kujitokeza wa wingi kwenye zoezi la uandikishaji wa vyeti vya kuzaliwa jwa watoto wenye umri wa siku 0-90.

Theresia aliyasema hayo jana  alipokuwa kwenye  ziara yake ya kutoa elimu na hamasa ya kujiandikisha kupata vyeti vya kuzaliwa katika shule za sekondari Kasangezi na Nkundusi zilizipo wilayani humo.

 Ambapo amesema kuwa  hamasa hiyo imelenga kusaidia dhima ya serikali inayotaka  watanzania wote kuwa na vyeti vya kuzaliwa ifikapo mwaka 2030 kwa ajili ya kuweka  takwimu sahihi  ikiwemi  kuweka mipango endelevu ya utoaji huduma stahiki kwa jamii.

“Tunajua nyinyi ni wababa na wamama watarajiwa naomba mlibebe hili katika hali ya ubalozi ili mkawaelimishe wazazi na walezi wenu umuhimu wa kuwa na cheti cha kuzaliwa ikiwemo kuwasaidia kuweka mahusiano ya matukio muhimu ya kibinadamu na katika ajira zenu katika siku za mbeleni”, amesema.

Kwa upande wake  Afisa Elimu Sekondari wa halmashauri hiyo, Iyogo Isuja ambaye aliyemwakilisha Mkurugenzi Mtendaji wa Halmashauri hiyo, Dkt. Semistatus H. Mashimba amesema kuwa suals la kuwa na cheti cha kuzaliwa ni haki ya msingi kwa kila mtoto wa kitanzania.

Pia,  amewashukuru wazazi waliojitokeza katika tukio hilo na kuwataka kuendelea kutoa ushirkiano katika zoezi hilo litakalowasaidia watoto wao kwenye kupata huduma tofauti katika jamii zao.

Kwa upande wake Afisa Ustawi wa  Jamii wa Halmashauri ya Wilaya ya Kasulu, Jalali Kiumbe amewataka wazazi  kujitokeza  kwenye  zoezi hilo  lililolenga watoto wa umri huo kuhakikisha  wanapata vyeti  hivyo kwakuwa ni nyaraka muhimu kwa siku zao za maisha yao yao ya mbeleni.

Ambapo ameeleza kuwa zoezi la utoaji wa Vyeti vya Kuzaliwa lilianza Oktoba-Disemba  mwaka 2023  kwa watoto wenye umri wa chini ya miaka 5 katika vituo vya kutolea huduma za afya na kwasasa zoezi hilo linaendelea kwa watoto wenye umri wa siku 0-90 kwenye  utambuzi wa taarifa zao.