DKT MASHIMBA AKUTANA NA KUFANYA MAZUNGUMZO NA VIONGOZI NA WACHEZAJI WA NYAKITONTO FC

Posted on: December 6th, 2024

Na Mwandishi Wetu,Kasulu

Mkurugenzi Mtendaji wa Halmashauri ya Wilaya ya Kasulu,Dkt. Semistatus H. Mashimba leo Ijumaa amekutana na kufanya kikao na viongozi na wachezaji wa  timu ya Nyakitonto FC.

Ambapo kupitia kikao hicho ameuelekeza uongozi wa timu hiyo pamoja  na Kitengo cha Michezo cha Halmashauri wakae kwa pamoja kuona ni namna gani wanaweza kubadilisha  jina na kuwa Kasulu DC FC.

"Niwaombe viongozi wa timu  mkae pamoja na Kitengo cha Michezo kuona  ni jinsi gani mtabadilisha jina la timu ili  iweze kuendeshwa kisasa na kuboreshewa miundombinu ya mazoezi kupitia udhamini wa  halmashauri," amesema.

Aidha,Dkt. Mashimba amesisitiza ili kuweka motisha kwa wachezaji kuweza  kufanya vizuri halmashuri itahakikisha inawaingiza katika malipo ya kila mwezi pamoja na  posho mbalimbali za kujikimu.

Katika hatua nyingine amemtaka Afisa Michezo kwenda kujifunza katika halmashauri zingine zinazomiliki timu ni namna gani zimeweza  kufanikiwa katika nyanja hiyo.