TAFITI ZIIBUE UFAULU KIDATO CHA NNE

Posted on: January 24th, 2025

Na Mwandishi Wetu, Kasulu 

Mkurugenzi Mtendaji wa Halmashauri ya Wilaya ya Kasulu mkoani Kigoma,Dkt.Semistatus H. Mashimba amewataka walimu wakuu wa shule za sekondari kufanya tafiti ni namna gani wanaweza kuongeza ufaulu wa kidato cha nne.

Dkt. Mashimba ametoa agizo hilo leo  Januari 24,2025 wakati akifunga kikao cha maafisa elimu na walimu wakuu wa shule za sekondari kwenye Ukumbi wa Kagoma  Makao Makuu ya Halmashauri.

_

"Kwenye mitihani ya kidato cha sita kwa miaka minne mfululizo halmashauri inafanya vizuri hivyo mfanye njia kupitia tafiti ni namna gani mnaweza kuhamishia ufaulu kama huo kwenye mitihani ya kidato cha nne," amesisitiza.

_

Aidha,Dkt.Mashimba amewataka walimu wakuu wote wenye miradi kuhakikisha inakamilika kwa wakati kama njia mojawapo ya kuboresha miundombinu ya ufundishaji kwa wanafunzi.

_

Pia,ametoa wito kwa washiriki wa kikao hicho kutobweteka na elimu walizokuwa  nazo hivyo waende kujiendeleza kitaaluma ili Taasisi iwe imara  linapokuja suala la elimu.

_

Naye Afisa Elimu Sekondari wa Halmashauri hiyo,Iyogo Isuja amebainisha kuwa  mikakati iliyopangwa kwenye idara hiyo watahakikisha inasimamiwa vizuri ili kuongeza  ufaulu kwa ngazi ya halmshauri na Taifa kwa ujumla.