Jamhuri ya Muungano wa Tanzania Ofisi ya Rais Tawala za Mikoa na Serikali za Mitaa Halmashauri ya Wilaya ya Kasulu

RC SIRRO ARIDHISHWA NA MAENDELEO KIWANDA CHA SUKARI KASULU,ATAJA AJIRA 500 TAYARI ZIMETOLEWA

Posted on: July 8th, 2025

Na Mwandishi Wetu

Mkuu wa Mkoa wa Kigoma, Mhe. Balozi Simon Sirro, leo Jumanne Julai 8,2025 ametembelea Kiwanda cha Sukari Kasulu kujionea maendeleo ya ujenzi na upandaji miwa, ambapo ameonesha kuridhishwa na hatua iliyofikiwa. Ametaja kuwa kiwanda hicho kinatarajiwa kuanza kazi 2027 na tayari kimetoa ajira kwa watu 500, wakiwemo 109 wenye weledi wa fani tofauti. Amemshukuru Rais Dkt. Samia Suluhu Hassan kwa juhudi za kukuza viwanda na kupunguza changamoto ya ajira, huku akiwakaribisha wawekezaji akisema Kigoma sasa ina miundombinu bora zaidi kuliko zamani.