Posted on: November 1st, 2024
Na Mwandishi Wetu,Kasulu
Halmashauri ya Wilaya ya Kasulu mkoani Kigoma imeng’ara katika matokeo ya darasa la saba 2024 kwa kushika nafasi ya pili kimkoa kati halmashauri nane zilizopo baada ya kupata ufaulu wa 85.6%.
Ambapo Shule ya Msingi Bombwe imeibuka kinara katika halmshauri hiyo baada ya kupata wastani wa daraja la A.
Afisa Elimu Msingi Halmshauri ya Wilaya ya Kasulu, Elestina Chanafi amewapongeza walimu wote kwa jitihada walizofanya hadi kufanikisha ufaulu huo licha ya kuwa ndio mara ya kwanza utaratibu wa ufanyaji wa mitihani hiyo kubadilika.
“Tunawapongeza wote walioshiriki kuwaanda vyema wanafunzi kitu kilichopelekea kufanya vizuri katika mitihani yao ya kumaliza elimu ya msingi, tunatoa wito kwa wadau wote wa elimu wilayani kwetu waendelee na moyo huo ili mwakani tuweze kufanya vizuri zaidi,” amesema.
HALMASHAURI YA WILAYA YA KASULU
Anuani ya Posta: S.L.P 97
Simu ya Mezani: +255-028-2810339
Simu: +255-028-2810339
Barua Pepe: ded@kasuludc.go.tz
