Posted on: January 1st, 2023
Halmashauri ya Wilaya ya Kasulu mkoani Kigoma, inatarajia kufanya Bonanza la watumishi litakalohusisha michezo mbalimbali.
Akitoa taarifa ya Bonanza hilo afisa michezo wa halmashauri ya Wilaya ya Kasulu Charles Mvuyekule amesema kuwa, Bonanza hilo litakalofanyika Januari 7 litahusisha michezo ya soka kwa wanaume, mpira wa pete, kuvuta kamba, kuruka, Vipaji mbalimbali, riadha na mbio.
Ameongeza kuwa, maandalizi ya Bonanza hilo litakalofanyika kwenye viwanja vya chuo cha ualimu Kasulu, yanaendelea vizuri na kuwaomba watumishi wa halmashauri hiyo kujiandaa kwa kufanya mazoezi yatakayowawezesha kushiriki kikamilifu kwenye Bonanza hilo.
"Kupitia Bonanza hilo, Mkurugenzi Mtendaji wa halmashauri ya Wilaya ya Kasulu Joseph Kashushura atazungumza na watumishi", amesema.
Bonanza hilo litakaloambatana na chakula cha usiku, litakuwa la pili kufanyika katika historia ya halmashauri ya Wilaya ya Kasulu kufuatia lililofanyika mwaka 2021.
HALMASHAURI YA WILAYA YA KASULU
Anuani ya Posta: S.L.P 97
Simu ya Mezani: +255-028-2810339
Simu: +255-028-2810339
Barua Pepe: ded@kasuludc.go.tz
